Signe for METAL

Foto: Signe Fuglesteg Luksengard

Styling: Sunniva Hartgen

Makeup: Tatjana Weddegjerde

Model: Signe – Team Models

Kveldsbad på fjellet, september 2016.

Dobbel ved, våren 2015.

 

Eg grin og du grin. Me grin og alle grin. Heile verda grin. Alle saman på denne jorda grin. Og du ser ned. Bøyger hovudet ned. Ser rett ned i golvet. Og tårene mine strøymer ned ansiktet. Tårene mine legg seg inntil kjakane. Tårene fossar ned. Og så ser du opp. Du ser på meg. Dei tunge augo dine ser rett på meg. Så skrik du. Du skrik og eg skrik. Me skrik og alle skrik. Og eg skrik fordi du skrik og du skrik fordi eg skrik og me skrik. Ropar stygge ting, ja jævleg stykke ting. Styggare enn stygge ting og tårene renn som fossar og det tunge blikket ser rett i mitt tunge blikk og me er tunge. Helvete seier eg og drar handa gjennom håret. Eg drar handa gjennom det feitte, ekle håret. Tek handa ned og sukkar. Sukkar heilt ned i magen og du ser ned igjen. Eg senkar handa, går tunge skritt mot deg. Føtene heng fast, men eg set fot for fot framom meg og så er eg framme ved deg. Framme ved den mørke kroppen din. Den tunge kroppen din. Den mørke og tunge deg, og eg legg hovudet på skuldera di, kviler det mot deg og du legg armane dine om meg og me står slik. Me står slik lenge. Eg står og kviler hovudet på deg og du står og heldt rundt meg og så berre står me slik og gret.

Kine for L’Officiel

Kine for L’Officiel Mexico og Thailand May Issue 2016.

Foto: Signe Fuglesteg Luksengard, Styling: Sunniva Hartgen, Makeup: Marthe Hesvik Norheim, Modell: Kine – TrendModels.

mai

uncontaminated

Stiller ut eit par bilder på Uncontaminated på Aker Brygge 2.juni. Er så heldig å stille ut saman med så sjukt flinke folk. Kom og sjå Knut Bry, Lars Botten, Kim Jakobsen To, Jørgen Gomnæs, Bård Lunde, Maria Pasenau, Julie Pike og Yoo Sun – ja og meg då.

DEAD

Kjenner meg nesten død etter eit ekstremt maraton sidan jul. Ikkje det at eg har springe eit, men tida har berre flyge forbi og eg har vore over alle haugar – eit par dagar her og eit par dagar der. Bestemte meg for å bli 100% frilans igjen frå jul, og er så glad for det. Sjølv om hovuded sender stressande tankar om å greie seg økonomisk, om å følge draumen, om å fotografere betre enn nokon gong, om å fotografere det eg har lyst å fotografere, å gje hundre prosent på både dokumentar, fashion og i tillegg gjere kommersielle jobbar. Lage bok, overleve på det. Skal bli flinkare til å prioritere frå no av. Kan ikkje ende opp som revane hjå naboen.

Uff, eg skal slutte å klage. Det skjer så mykje spennande. Det skjer så mykje nytt. Det er no eg eigentleg lever.

ANDREAS FOR REVS

 

Model: Andreas (pholk) – Styling: Sunniva Hartgen – Foto: meg – sjå heile serien (og klescredits HER)

No Backup

Kva skjer når ein mistar bileta sine? Kva skjer når minnet blir forandra? Kan eit bilete som har gått gjennom ein prosess annan enn din kallast kunst av deg?

Dette bildet er ein del av ein serie «No Backup» som vart laga i fjor. Den tek for seg opplevinga eg hadde med ein kræsja harddisk og fleire hundre forsvunne bilete – som ikkje hadde ein lagringsplass nr to. Programvara som vart brukt til å gjennopprette filene fann filinformasjonen, men klarte ikkje hente rett data. Dette resulterte i at alt eg såg var striper, farger og skurring. I ettertid er bilete croppa til det eg meiner er dei spennande delande.

Bildet var stilt ut på Cyan;studio sin stipendutstilling denne veka.